काठमाडौं । दैलेखको दुल्लु नगरपालिका–१३ का वडा सचिव कमल भण्डारीलाई फोन मार्फत धम्की दिने युवकलाई प्रहरीले पक्राउ गरेको छ ।

काठमाडौं प्रहरी परिसरका प्रवक्ता पवन भट्टराईका अनुसार सुर्खेतको वीरेन्द्रनगर नगरपालिका–६ बस्ने २२ वर्षीय प्रकाश खड्कालाई शनिबार दिउँसो नियन्त्रणमा लिइएको हो ।

यो पनि पढ्नुहोस्

प्रधानमन्त्री कार्यालयको नाम दुरुपयोग गरी वडा सचिवलाई धम्की दिने खड्कामाथि कारबाही गर्न निर्देशन

२०८३ जेष्ठ २ गते, शनिबार

सांसदहरूको बायोमेट्रिक विवरण लिइँदै

२०८३ बैशाख २४ गते, बिहीबार

पर्यटक लिएर नेपाल भित्रने सवारी साधनले अनलाइनबाटै विवरण भर्न र राजश्व तिर्न सक्ने

२०८३ बैशाख २४ गते, बिहीबार

प्रहरीका अनुसार खड्कामाथि प्रधानमन्त्री तथा मन्त्रिपरिषद्को कार्यालयको नाम दुरुपयोग गर्दै राष्ट्रसेवक कर्मचारीलाई धम्क्याउने, भय तथा त्रास सिर्जना गर्ने र अमर्यादित भाषा प्रयोग गरेको आरोप लागेको छ ।

वडा सचिव भण्डारीलाई ‘प्रधानमन्त्री कार्यालयबाट बोलेको’ भन्दै धम्की दिएको फोन संवादको अडियो सामाजिक सञ्जालमा सार्वजनिक भएपछि घटना चर्चामा आएको थियो । अडियो सार्वजनिक भएसँगै प्रधानमन्त्री तथा मन्त्रिपरिषद्को कार्यालयले घटनाप्रति गम्भीर ध्यानाकर्षण भएको जनाउँदै सम्बन्धित निकायलाई कारबाही प्रक्रिया अघि बढाउन निर्देशन दिएको थियो ।

प्रधानमन्त्री कार्यालयले सरकारी निकायको नाम दुरुपयोग गर्दै कर्मचारीमाथि दबाब सिर्जना गर्ने गतिविधि अस्वीकार्य भएको स्पष्ट पारेको थियो ।

खड्का राष्ट्रिय स्वतन्त्र पार्टी (रा.स्व.पा.) कार्यकर्ता समेत हुन्। उनले सुर्खेतबाट पार्टी सदस्यता लिएका छन्। उनलाई कारबाही गर्नका लागि रा.स्व.पा. दैलेखले सिफारिससमेत गरेको छ।