दुर्गौली । जानकी गाउँपालिकाले आर्थिक वर्ष २०८३/०८४ का लागि नीति तथा कार्यक्रम सार्वजनिक गरेको छ। गाउँपालिकाको १८औँ गाउँसभामा अध्यक्ष गणेश चौधरीले प्रस्तुत गरेको नीति तथा कार्यक्रममा शिक्षा, स्वास्थ्य, कृषि तथा वातावरणमैत्री पूर्वाधारलाई विकासको मुख्य आधारका रूपमा अघि सारिएको छ।
नीति तथा कार्यक्रममा शिक्षाको गुणस्तर सुधार, स्मार्ट कक्षा सञ्चालन, स्वास्थ्य सेवाको पहुँच विस्तार, १५ शैय्याको अस्पताल स्थापनाका लागि पहल, पोषणमैत्री स्थानीय तह घोषणा, कृषि एम्बुलेन्स सञ्चालन, बाली बीमा कार्यक्रम तथा कृषक प्रोत्साहनका योजना समेटिएका छन्। यस्तै, पर्यटन प्रवर्द्धन, थारू संस्कृति संरक्षण, पूर्वाधार विकास, भूमिहीनलाई लालपूर्जा वितरण तथा डिजिटल सेवा विस्तारलाई समेत प्राथमिकतामा राखिएको छ।
यो पनि पढ्नुहोस्
गाउँपालिकाले सुशासन, पारदर्शिता र नागरिकमैत्री सेवा प्रवाहलाई थप प्रभावकारी बनाउँदै भ्रष्टाचारविरुद्ध शून्य सहनशीलताको नीति अवलम्बन गर्ने जनाएको छ। अध्यक्ष चौधरीले प्रस्तुत गरेको नीति तथा कार्यक्रमले समृद्ध, समावेशी र दिगो विकासमार्फत जानकी गाउँपालिकाको समग्र रूपान्तरण गर्ने लक्ष्य लिएको उल्लेख गरिएको छ।
प्रतिक्रिया दिनुहोस्