टीकापुर । कैलालीको टीकापुर क्षेत्रमा प्रहरीले लागूऔषध विरुद्ध सञ्चालन गरेको अभियान अन्तर्गत दुई जनालाई खैरो हिरोइन सहित पक्राउ गरेको छ ।
प्रहरीका अनुसार शुक्रबार टीकापुर नगरपालिका–९ स्थित खक्रौला सडक खण्डमा शंकास्पद अवस्थामा हिडि रहेका दुई जनामाथि चेकजाँच गर्दा उनीहरूको साथबाट १९ ग्राम १६० मिलिग्राम खैरो हिरोइन बरामद गरिएको हो ।
यो पनि पढ्नुहोस्
छथरमा जनप्रतिनिधि र कर्मचारीका बालबालिका सामुदायिक विद्यालयमा पढाउनुपर्ने
कञ्चनपुर कारागारमा कैदीबन्दी बीच झगडामा ५ जना घाइते
बहराइनमा १९ वर्ष सम्पर्कविहीन युवक अशक्त भएर फर्किए
पक्राउ पर्नेमा सुर्खेतको वीरेन्द्रनगर–१२ निवासी १९ वर्षीय सोहन नेपाली र बर्दियाको राजापुर–४ निवासी ३० वर्षीय तेजबहादुर बिटालु रहेका छन् ।
लागूऔषधसहित पक्राउ परेका दुवै जनालाई नियन्त्रणमा लिएर थप अनुसन्धान भइरहेको प्रहरीले जनाएको छ । प्रहरीले पछिल्लो समय लागूऔषध नियन्त्रणका लागि टीकापुर क्षेत्रमा निगरानी तथा चेकजाँचलाई थप कडाइ गरेको बताएको छ ।
प्रतिक्रिया दिनुहोस्